ესპანეთში ბოლო დღე-ღამის მანძილზე კორონავირუსით 750-ზე მეტი ადამიანი დაიღუპა და სიკვდილიანობამ ქვეყანაში 4858-ს მიაღწია. ეს დღიური სიკვდილიანობის ყველაზე მაღალი მაჩვენებელია, რომელიც ქვეყანაში დაფიქსირდა. რაც შეეხება ინფიცირებულებს, მათმა რაოდენობამ 64 059-ს მიაღწია.
გავრცელებული ინფორმაციით, 4165 პაციენტი ინტენსიური მკურნალობის პალატებში იმყოფება, რაც ასევე გაზრდილი მაჩვენებელია.
„ფაინენშალ თაიმსის“ ინფორმაციით, ესპანეთის მთავრობა იმედს გამოთქვამს, რომ ინფიცირება ქვეყანაში პიკს უახლოვდება, რომლის დასტაბილურების შემდეგ უკუსვლაა მოსალოდნელი.