თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის ლევან რატიანის განცხადებით, ამ დროისთვის მათ კლინიკაში 57 პაციენტია, მათ შორის 13-ს კორონავირუსი აქვს დადასტურებული.
როგორც რატიანმა ჟურნალისტებს განუცხადა, 2 პაციენტი რეანიმაციაში რჩება და მათი მდგომარეობა კრიტიკულია.
“საერთო ჯამში ჩვენს კლინიკაში არის 57 პაციენტი, 13 იდენტიფიცირებული შემთხვევა, დანარჩენების პასუხებს ველოდებით. რეანიმაციაში რჩება ორი პაციენტი, მათი მდგომარეობა კრიტიკულია, თუმცა შემიძლია გითხრათ, რომ ვიტალური ფუნქციები ამ დროისთვის შენარჩუნებულია”,- განაცხადა რატიანმა.
ცნობისთვის, ამ დროისთვის საქართველოში კორონავირუსით ინფიცირების შემთხვევათა რაოდენობა 81-ია, მათგან 13 გამოჯანმრთელდა.