საქართველოს ქრისტიან-ბაპტისტთა ეკლესიების კავშირის ეპისკოპოსმა ზაზა ვაშაყმაძეს საჩუქრად 400 ცალი სამედიცინო პირბადე გადასცა
საქართველოს მთავრობის ადმინისტრაციაში, საქართველოს ქრისტიან-ბაპტისტთა ეკლესიების კავშირის ეპისკოპოსმა, გია კანდელაკმა, რელიგიის საკითხთა სახელმწიფო სააგენტოს თავმჯდომარეს, ზაზა ვაშაყმაძეს, საჩუქრად 400 ცალი სამედიცინო პირბადე გადასცა. ამის შესახებ „ინტერპრესნიუსს“ რელიგიის სახელმწიფო სააგენტოდან აცნობეს.
მათივე ინფორმაციით, ზაზა ვაშაყმაძემ ეპისკოპოს გია კანდელაკს მადლობა გადაუხადა სააგენტოსთან თანამშრომლობისთვის.
სააგენტოს თავმჯდომარის თქმით, მთავრობის ადმინისტრაცია სამედიცინო პირბადეებს საჭიროებისამებრ გადაანაწილებს.
„კოვიდ-19-ის პანდემიასთან დაკავშირებით, სანიტარულ-ჰიგიენური ნორმების დაცვას განსაკუთრებული მნიშვნელობა ენიჭება. ინფექციასთან ბრძოლაში სამედიცინო პერსონალთან ერთად, ჩართულნი არიან საქართველოს შეიარაღებული ძალები,“ - ნათქვამია ინფორმაციაში.
