თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, მათ კლინიკაში ახალი კორონავირუსის ინფექციით მოთავსებულ ორსულ ქალთან მიმართებით კლინიკური პათოლოგია არ ვლინდება.

„ორსული გოგონა არის ვირუსით ინფიცირებული. ეს არ ნიშნავს, რომ არის დაავადებული. ვინაიდან, კლინიკური სიმპტომატიკა, ამ ეტაპისთვის, პათოლოგიურ მდგომარეობა არ ვლინდება. ვინაიდან, არ ვიცით ამ ვირუსის ბიოლოგიური სტრატეგია, ვაკვირდებით განყოფილებაში ინფექციონისტთან და მეანგინეკოლოგთან ერთად“, - განაცხადა რატიანმა.

მისივე ინფორმაციით, მათ კლინიკაში ამ დროისთვის ჯამში 57 პაციენტია მოთავსებული , 13 იდენტიფიცირებული შემთხვევაა, დანარჩენებთან მიმართებით კი პასუხებს ელოდებიან.

ცნობისთვის, ფეხმძიმე ქალს კორონავირუსი გუშინ დაუდასტურდა. ის კლინიკაში ბოლნისიდან გადაიყვანეს.