ჯანდაცვის მინისტრის, ეკატერინე ტიკარაძის განცხადებით, რუხის საავადმყოფო 11 სასუნთქი აპარატითა და 25 საწოლით აღიჭურვა.
როგორც მინისტრმა ჟურნალისტებს საავადმყოფოს დათვალიერების შემდეგ განუცხადა, აღჭურვა გაგრძელდება და საავადმყოფო საბოლოო ჯამში 200-მდე პაციენტის მიღებას შეძლებს.
„დღეს რუხის საავადმყოფოში უკვე ჩამოვიტანეთ და აღვჭურვეთ 11 სასუნთქი აპარატითა და 25 საწოლით. შევხვდით ექიმებს და „სტაფის“ იმ ნაწილს, რომელიც აქ დასაქმდება. გამოიკვეთა საკმაოდ ბევრი პრობლემატიკა იმასთან დაკავშირებით, რომ ჩვენ მოგვიწევს ბევრი მუშაობა „სტაფის“ მოგროვებაზე. ადგილზე იქნება სამინისტროს წარმომადგენელი, რომელიც თვალ-ყურს მიადევნებს ყველა იმ ფაქტორს, რომ პროცესი იყოს ყველანაირი ხარვეზის გარეშე. აღჭურვა გაგრძელდება და საბოლოო ჯამში ჩვენ გვექნება საშუალება, მივიღოთ 200-მდე პაციენტი, რომელიც როგორც მართვით სუნთქვაზე იქნება ნამართი, ასევე იქნება მოთავსებული ბოქსირებულ პალატაში და მიიღებენ ყველა სახის მომსახურებას“, - განაცხადა ტიკარაძემ.