ლევან რატიანის განცხადებით, კორონავირუსით ინფიცირებული ყველა პაციენტის, მათ შორის მარნეულიდან გადმოყვანილი ქალის ჯანმრთელობის მდგომარეობა სტაბილურია

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, კლინიკაში კორონავირუსით ინფიცირებული ყველა პაციენტის მდგომარეობა სტაბილური, დამაკმაყოფილებელი და მართვადია. მისივე განმარტებით, ასევე სტაბილურია 62 წლის მარნეულელი ქალის ჯანმრთელობის მდგომარეობა.

„ამ ეტაპზე კლინიკაში კორონავირუსით ინფიცირებული 15 პაციენტი გვყავს. რაც შეეეხება 62 წლის ქალბატონის მდგომარეობას, ამ ეტაპზე ჩატარებული კლინიკურ-ლაბორატორიული კვლევით, უარყოფითი დინამიკის გარეშეა. ასევე სტაბილურია და ამ ეტაპამდე არანაირი გართულება არ ვლინდება იმ ადამიანის შემთხვევაში, რომელსაც კლინიკაში დაუდასტურდა ინფიცირება. ერთადერთი მინდა გითხრათ, რომ ყველა პაციენტის მდგომარეობა არის სტაბილური, დამაკმაყოფილებელი და მართვადი“, - განაცხადა ლევან რატიანმა.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია