ბათუმში, ბარათაშვილის ქუჩაზე გაჩენილი ხანძარი ლოკალიზებულია

ბათუმში, ბარათაშვილის ქუჩაზე გაჩენილი ხანძარი ლოკალიზებულია, - ამის შესახებ „ინტერპრესნიუსს“ შინაგან საქმეთა სამინისტროს საგანგებო სიტუაციების მართვის სამსახურიდან აცნობეს. მათივე ინფორმაციით, ბათუმში, ნიკოლოზ ბარათაშვილის ქუჩაზე მდებარე ორსართულიანი საცხოვრებელი სახლის სახურავზე დაკვამლიანება და ღია ცეცხლი შეინიშნებოდა. საგანგებო სიტუაციების მართვის სამსახურმა ხანძრის შესახებ მიღებულ შეტყობინებაზე დაუყონებლივ მოახდინა რეაგირება. მითითებულ მისამართზე 11 სახანძრო-სამაშველო ჯგუფი გამოცხადდა. მეხანძრე-მაშველებმა ადგილზე მისვლისთანავე განახორციელეს შენობაში მყოფი მოსახლეობის ევაკუაცია.

ცეცხლი გავრცელებული იყო სახლის სხვენის გადახურვაზე და არსებობდა მისი გავრცელების საფრთხეც, თუმცა სწრაფი რეაგირების შედეგად მოხერხდა ცეცხლის დროული შეკავება. ამ დროისთვის ხანძარი ლოკალიზებულია და გავრცელების საფრთხე აღარ არსებობს. მიმდინარეობს სალიკვიდაციო სამუშაოები. შემთხვევის შედეგად არავინ დაშავებულა. ადგილზე მუშაობს საგანგებო სიტუაციების მართვის სამსახურის სახანძრო-სამაშველო ძალების დეპარტამენტის 11 ჯგუფი. მობილიზებულია ყველა შესაბამისი სამსახური.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა