ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსით ინფიცირების 5 ახალი შემთხვევიდან არც ერთი თბილისის ინფექციურ საავადმყოფოში არ იმყოფება.

როგორც ეზუგბაიამ ჟურნალისტებს განუცხადა, მის კლინიკაში გუშინ სულ 14 ტესტი ჩატარდა და ყველა მათგანზე პასუხი ნეგატიური იყო.

„დღეის მდგომარეობით ქვეყანაში დადასტურებული გვაქვს 90 შემთხვევა გუშინდელს შემდეგ დაგვემატა 5. ამ 5-დან ჩვენს ცენტრში არცერთი არაა. ჩვენთან გუშინ გაკეთდა 14 პაციენტზე ტესტირება. თოთხმეტივე იყო უარყოფითი“,- განაცხადა ეზუგბაიამ.