საქართველოში მოხალისეობის მსურველებისთვის ​კორონავირუსის გავრცელების პრევენციისა და პირადი უსაფრთხოების ზომების შესახებ შესაბამისი ონლაინ სასწავლო კურსი ხელმისაწვდომია. როგორც "ინტერპრესნიუსს" საქართველოს წითელი ჯვრის საზოგადოებიდან აცნობეს, აუცილებელია რეგისტრაციის გავლა ვებ-გვერდზე https://help.redcross.ge და სათანადო ინსტრუქციების შესრულება.

"კურსის დასრულების შემდეგ თქვენ შეავსებთ სავალდებულო ონლაინ კითხვარს. საქართველოს წითელი ჯვრის საზოგადოება მადლობას უხდის ომედია ჯგუფს http://omedia.ge/, ვებ-გვერდის შესაქმნელად უსასყიდლოდ გაწეული მხარდაჭერისათვის",-ნათქვამია ინფორმაციაში.