თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორის, ლალი ტურძელაძის განცხადებით, მე-15 პაციენტს, რომელიც კლინიკაში ბოლნისიდან ჩამოიყვანეს, ორმხრივი პნევმონია აქვს.

ტურძელაძემ ასევე ორსულის ჯანმრთელობის მდგომარეობაზეც ისაუბრა და აღნიშნა, რომ მას პერიოდულად დაბალი ტემპერატურა უფიქსირდება, სხვა ჩივილები კი არ აქვს.

„რაც შეეხება მე-15 პაციენტს, რომელიც ჩვენთან ჩამოყვანილია ბოლნისიდან, მას აქვს ორმხრივი პნევმონია, კომპიუტერულ ტომოგრამაზე დადასტურებული. მისი მდგომარეობა საკმაოდ მძიმეა, მაგრამ არის პალატაში და ჯერჯერობით არ არის კრიტიკული მედიცინის ცენტრში.

ორსულის მდგომარეობა არის დამაკმაყოფილებელი, მას ამჟამად ჩივილები არ აქვს, პერიოდულად უფიქსირდება 37 გრადუსი ტემპერატურა“, - განაცხადა ლალი ტურძელაძემ.

ცნობისთვის, ამ დროისთვის საქართველოში კორონავირუსით დაინფიცირების 90 დადასტურებული შემთხვევა ფიქსირდება. მათგან 18 გამოჯანმრთელდა. კარანტინის რეჟიმში 4717 ადამიანი იმყოფება, ხოლო სტაციონარში მეთვალყურეობის ქვეშ - 268 პირია