გორის სამხედრო ჰოსპიტალის დირექტორის დავით ბარლიანის განცხადებით, ეროვნული გვარდიის დასუფთავების სამსახურის თანამშრომლები კორონავირუსით დაინფიცირებამდე თვითიზოლაციაში იმყოფებოდნენ. როგორც მან ჟურნალისტებს განუცხადა, ინფიცირებულთა უმრავლესობა ქალია.
„დარწმუნებული ვართ, რომ თვითიზოლაციაში იყვნენ. ეს ყველაფერი დადგენილი და გამოკვლეულია. აღნიშნულის გათვალისწინებით, ჩვენ შეგვიძლია ვთქვათ, რომ მათ კონტაქტები რომელიმე სხვა სამხედრო ქვედანაყოფებთან არ ყოფილა. ამ ეტაპზე ვერ ვხედავთ, რომ პანიკის საფუძველი გვქონდეს, ჩვენ ამას ვერ ვხედავთ. ძირითადად, მანდილოსნები არიან დასუფთავების სამსახურის ოფისიდან“,-აცხადებს დავით ბარლიანი.
ცნობისთვის, გორის სამხედრო ჰოსპიტალში ამ ეტაპზე კორონავურუსით ინფიცირებული 9 პაციენტი მკურნალობს. როგორც გორის ჰოსპიტალის დირექტორმა დავით ბარლიანმა ჟურნალისტებთან განაცხადა, აქედან 6 თავდაცვის სამინისტროს ეროვნული გვარდიის დასუფთავების სამსახურის თანამშრომელია. მისივე თქმით, მათგან ორს პნევმონია უფიქსირდება.