არაბთა გაერთიანებული საამიროების ელჩი საქართველოში მიესალმება საამიროების კომპანიის გადაწყვეტილებას სასტუმრო „შერატონ გრანდ თბილისი მეტეხი პალასის“ საკარანტინო ზონისთვის უსასყიდლოდ დათმობის შესახებ

2020 წლის 26 მარტს, არაბთა გაერთიანებული საამიროების ერთ-ერთმა უმსხვილესმა კომპანიამ საქართველოში, რას ალ ხაიმას საინვესტიციო ორგანომ, რომელიც სასტუმრო "შერატონ გრანდ თბილისი მეტეხი პალასს" ფლობს, მთლიანი სასტუმრო, 200 ნომრით საქართველოს მთავრობას საკარანტინო ზონისათვის უსასყიდლოდ დაუთმო, რაც ძალიან მაღალი სოციალური პასუხისმგებლობის გამოვლინებაა.

ამასთან დაკავშირებით, არაბთა გაერთიანებული საამიროების ელჩი თბილისში, ისა ალ ბაშა ალ ნოაიმი აფასებს რა რას ალ ხაიმას საინვესტიციო ორგანოს ინიციატივას, აცხადებს:

”ჩვენ ვამაყობთ "შერატონ გრანდ თბილისი მეტეხი პალასის" ამ ჰუმანიტარული ინიციატივით, რომელიც სოლიდარობის არაჩვეულებრივი გამოვლინებაა მეგობარი ქართველი ხალხის მიმართ და სიხარულს გვანიჭებს ის ფაქტი, რომ არაბთა გაერთიანებული საამიროების ერთ-ერთი წარმატებული საინვესტიციო პროექტი საქართველოში საკუთარ წვლილს შეიტანს საქართველოს მთავრობის მიერ კორონავირუსის წინააღმდეგ ბრძოლის გზაზე. მსგავსი მხარდაჭერა კიდევ ერთხელ უსვამს ხაზს იმ მძლავრ საფუძველს, რომელიც ორი მეგობარი ქვეყნის ურთიერთობას უდევს საფუძვლად სხვადასხვა, მათ შორის, სოციალური და ჰუმანიტარული თანამშრომლობის ასპექტებში, რაც ამ ორი მეგობარი ქვეყნის ხელისუფალთა შორსმჭვრეტელობის შედეგია. უფალს ვთხოვთ დაიცვას და დაიფაროს ყოველი ჩვენგანი.”

(R)

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!