რესპუბლიკურ საავადმყოფოში აცხადებენ, რომ კორონავირუსზე ტესტი დღეს 17 პაციენტს ჩაუტარდება

გუშინ 7 ტესტი გაკეთდა და ყველა ნეგატიური იყო. დღეს კიდევ 17 პაციენტი ელოდება ტესტირებას.

რესპუბლიკური საავადმყოფოს დირექტორის, ლევან გოფოძის განცხადებით, ამჟამად კლინიკაში 46 პაციენტია დაკვირვების ქვეშ. როგორც მან ჟურნალისტებს განუცხადა, გუშინ კორონავირუსზე 7 პაციენტს ჩაუტარდა ტესტი და ყველა მათგანი უარყოფითი იყო.

ამასთან, გოფოძის თქმით, ტესტირებას კიდევ 17 პაციენტი ელოდება და მათი პასუხი ხვალ გახდება ცნობილი.

„ამ დროისთვის რესპუბლიკურ საავადმყოფოში დაკვირვების ქვეშ 46 პაციენტია, მათგან ჯერჯერობით არ გვყავს გატესტილი COVID ინფიცირებული. გუშინ 7 ტესტი გაკეთდა და ყველა ნეგატიური იყო. დღეს კიდევ 17 პაციენტი ელოდება ტესტირებას. მათ დღეს გაუკეთდებათ ტესტირება და ხვალ დილით პასუხებს მოგახსენებთ. აქედან, ორი პაციენტი ჩვენთან სხვა კლინიკიდან გადმოიყვანეს. ამ შემთხვევაში, გულმკერდის არეში ტკივილი იყო წამყვანი და ახლა ჩვენი კარდიოლოგები მუშაობენ. რაც შეეხება იმ პაციენტს, რომელიც ჩვენთან რეანიმაციულ განყოფილებაში არის, მოგეხსენებათ, COVID უარყოფითი, მაგრამ მძიმე პაციენტია. ამ დროისთვის პაციენტის მდგომარეობა სტაბილურია. შოკიდან გამოვიდა და გეგმის მიხედვით მკურნალობა გრძელდება“,-აცხადებს გოფოძე.

ცნობისთვის, ამ დროისთვის საქართველოში კორონავირუსით დაინფიცირების 90 დადასტურებული შემთხვევა ფიქსირდება. მათგან 18 გამოჯანმრთელდა. კარანტინის რეჟიმში 4717 ადამიანი იმყოფება, ხოლო სტაციონარში მეთვალყურეობის ქვეშ - 268 პირია.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს