ანდრია ჯაღმაიძე - დღეს რაც სამებაში ვნახეთ, იყო სანიმუშო დისციპლინა და მორწმუნე მრევლისგან ძალიან დიდი პასუხისმგებლობა ჩანდა

დღეს რაც ვნახეთ სამებაში, იყო სანიმუშო დისციპლინა და მორწმუნე მრევლისგან ძალიან დიდი პასუხისმგებლობა ჩანდა, -ამის შესახებ სამების საკათედრო ტაძარში საკვირაო წირვის დასრულების შემდეგ ჟურნალისტებს საპატრიარქოს პრესსამსახურის უფროსმა, დეკანოზმა ანდრია ჯაღმაიძემ განუცხადა.

როგორც მან აღნიშნა, ტაძრებიდან წასული მრევლი ქუჩაშიც, ტრანსპორტშიც და სახლშიც ანალოგიურად გააგრძელებენ რეკომენდაციების გათვალისწინებას.

„ჩვენ გვაქვს რეკომენდაციები მიღებული და ამ რეკომენდაციებზე განმარტებები მივიღეთ კიდევ დამატებით. განგვიმარტეს შემდეგი, რომ მთავარია დისტანციის დაცვა. თქვენ ნახეთ დღეს, როგორი მოწესრიგებული იყო მსახურება და ძალიან ბევრ მასალას იხილავთ ამ დღეებში კიდევ. ჩვენ ვთხოვეთ ტაძრებს, რომ ყველგან, სადაც მსახურება ჩატარდა ამ წესით ჩატარებულიყო მსახურება, რა რეკომენდაციებიც მიიღეს მათ და შესაბამისი ფოტო და ვიდეომასალა გადმოეგზავნათ უკვე გვაჩვენეს, რომ სამზადისი არის ძალიან ინტენსიური. ტაძრები გახმოვანებულია და ხალხი გარეთაც ესწრება ღვთისმსახურებას. შიგნით დისტანცია არის დაცული. მგონია, რომ დღეს, რაც ვნახეთ სამებაში, იყო სანიმუშო დისციპლინა და პასუხისმგებლობა ჩანდა ძალიან დიდი მორწმუნე მრევლისგან. რთულია ახლა ამ ადამიანებს რაიმე საყვედური ვუთხრათ, რომ არ ითვალისწინებენ, ან უპასუხისმგებლოდ იქცევიან. პირიქით, ეს იყო ძალიან კარგი მაგალითი ყველასთვის. ეს ხალხი აქედან წასული ქუჩაშიც, ტრანსპორტშიც და სახლშიც ანალოგიურად გააგრძელებენ რეკომენდაციების გათვალისწინებას და ეს ძალიან კარგია“, - განაცხადა ანდრია ჯაღმაიძემ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია