თბილისის საკრებულოს უმრავლესობის წევრებმა მრავალშვილიანი ოჯახების საკვები პროდუქტით უზრუნველყოფის კამპანია დაიწყეს

თბილისის საკრებულოს თავმჯდომარემ გიორგი ტყემალაძემ და საკრებულოს უმრავლესობის წევრებმა, კერძო სექტორთან თანამშრომლობით, მრავალშვილიანი ოჯახების საკვები პროდუქტით უზრუნველყოფის კამპანია დაიწყეს.

როგორც „ინტერპრესნიუსს“ დედაქალაქის საკრებულოდან აცნობეს, დეპუტატები თავიანთ სამაჟორიტარო ოლქებში მცხოვრებ მრავალშვილიან ოჯახებს საკვებ პროდუქტსა და პირველადი მოხმარების ნივთებს გადასცემენ. პროდუქტები ერთ-ერთმა კერძო კომპანიამ შეიძინა და დასარიგებლად საკრებულოს გადასცა. საკრებულოს წევრები ნობათს სპეციალურად გადამზადებული მოხალისეების დახმარებით დაარიგებენ. უწყების ცნობით, საკრებულოს თავმჯდომარემ კომპანიას, რომელმაც მრავალშვილიანი ოჯახებისთვის პროდუქტი შეიძინა, მადლობა გადაუხადა და განაცხადა, რომ კერძო სექტორის აქტიურობით, კამპანია, რომლის ფარგლებშიც იმ ადამიანების დახმარება ხდება, რომლებსაც თანადგომა ყველაზე მეტად სჭირდებათ, არ წყდება. მისივე თქმით, ამ ეტაპზე საკვები პროდუქტი და პირველადი მოხმარების ნივთები 100 მრავალშვილიან ოჯახს გადაეცემა.

„პირველ რიგში მადლობა მინდა გადავუხადო ყველა იმ კომპანიას, რომელიც კორონავირუსთან ბრძოლის პერიოდში აქტიურად დგას ხელისუფლების გვერდით და ეხმარება იმ ადამიანებს, რომელთაც ეს დღეს ყველაზე მეტად სჭირდებათ. დღეს, საკრებულოს წევრები, თავიანთ სამაჟორიტარო ოლქებში, მრავალშვილიან ოჯახებს აღნიშნულ ნობათს დაურიგებენ. ამ ეტაპზე საკვები პროდუქტი და პირველადი მოხმარების ნივთები 100 ოჯახს გადაეცემა. თუმცა კამპანია გრძელდება და ჩვენ ეტაპობრივად ყველა იმ ოჯახს დავეხმარებით, ვისაც ამის აუცილებლობა აქვს“, - განაცხადა გიორგი ტყემალაძემ.

თბილისის საკრებულოს წევრები ნობათს თბილისის ათივე რაიონში დაარიგებენ. როგორც საკრებულოს ფრაქცია „ქართული ოცნება - დემოკრატიული საქართველოს“ თავმჯდომარემ ბექა დავითულიანმა განაცხადა, საკრებულო, დედაქალაქის მთავრობასთან ერთად, აქტიურად არის ჩართული კორონავირუსის გავრცელების პრევენციის პერიოდში მოსახლეობის დახმარების კამპანიაში. მისივე თქმით, აღნიშნული კამპანია კერძო სექტორის დახმარებით წარმატებით მიმდინარეობს და ის მომავალშიც გაგრძელდება.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს