ნიდერლანდების ჯანდაცვის სამინისტრომ ჩინეთიდან შეტანილი 1.3 მილიონი სამედიცინო ნიღაბი უკან გაიწვია

ნიდერლანდების ჯანდაცვის სამინისტრომ საავადმყოფოებიდან ყველა პირბადე გაიწვია, რომლებიც ქვეყანამ ჩინური კომპანიისგან შეიძინა. მიზეზი პროდუქციის არასაიმედო ხარისხია. ამის შესახებ ადგილობრივი მედია იუწყება. არსებული ინფორმაციით, ქვეყანამ ჩინელი მწარმოებლისგან FFP2 ტიპის 1.3 მილიონი ნიღაბი შეიძინა მედიკოსებისთვის, რომლებიც კორონავირუსით დაინფიცირებულ ავადმყოფებს მკურნალობენ. პროდუქციის პირველი პარტია 600 000 ცალს შეადგენდა.

აღმოჩნდა, რომ ნიღბები უსაფრთხოების სტანდარტებს ვერ აკმაყოფილებს - მჭიდროდ არ ეკვრის სახეს და ყველა მემბრანა და ფილტრი არ ფუნქციონირებს სათანადო სახით. ამ დროისთვის უცნობია აღნიშნული სამედიცინო ნიღბების მწარმოებელი.

ჯანდაცვის სამინისტროში არ აქვთ ზუსტი ინფორმაცია, გამოიყენეს თუ არა მედიკოსებმა ამ პარტიიდან შეტანილი ნიღბები. აღსანიშნავია, რომ ზოგიერთმა საავადმყოფომ მანამდე თქვა უარი მათ გამოყენებაზე, ვიდრე ნიდერლანდების ჯანდაცვის სამინისტროს გადაწყვეტილება იქნებოდა მიღებული.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს