მარინა ეზუგბაიას განცხადებით, კორონავირუსით ინფიცირებული ახალი პაციენტის ისტორია ინგლისში მოგზაურობას უკავშირდება და კონტაქტების კვლევა მიმდინარეობს

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული 91-ე პაციენტის დაინფიცირების წყარო ცნობილია და ეს შემთხვევა ინგლისში მოგზაურობას უკავშირდება.

როგორც მან ჟურნალისტებს განუცხადა, ამჟამად ინფიცირებული პაციენტის კონტაქტების მოძიება მიმდინარეობს.

“ცენტრში დილით ჩატარდა დაახლოებით 10 პაციენტზე ტესტირება და ერთ პაციენტზე პასუხი დადებითი იყო, დანარჩენზე უარყოფითი. ანუ, სულ 91 პაციენტია, აქედან 47 არის ჩვენს ცენტრში დადასტურებული, დანარჩენი 44 კორონავირუსით ინფიცირებულების მიმღებ 6 დაწესებულებაში. წყარო ცნობილია, მოგზაურობას უკავშირდება და ეს არის ქვეყანა ინგლისი. დადასტურებიდან ერთ საათში კონტაქტების გამოვლენა ვერ ხერხდება. რა თქმა უნდა, მოხდება ამ კონტაქტების კვლევა თავიდან ბოლომდე, შესაბამისად, მათ კვლევა ჩაუტარდებათ“,-აცხადებს ეზუგბაია.

ცნობისთვის, დღეს საქართველოში ახალი კორონავირუსით დაინფიცირების შეთხვევათა რიცხვი 91-მდე გაიზარდა, მათგან 18 პირი უკვე გამოჯანმრთელებულია.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა