დონალდ ტრამპი კორონავირუსთან დაკავშირებით დაწესებულ შეზღუდვებს აპრილის ბოლომე ახანგრძლივებს

აშშ-ის პრეზიდენტმა დონალდ ტრამპმა კორონავირუსთან დაკავშირებით ქვეყანაში დაწესებული შეზღუდვების 30 აპრილამდე გახანგრძლივების გადაწყვეტილება მიიღო.

„სიკვდილიანობის მაჩვენებელი, სავარაუდოდ, პიკს ორ კვირაში მიაღწევს. ამიტომ გაიდლაინებს ვახანგრძლივებთ, არაფერი იქნება იმაზე უარესი, ვიდრე გამოაცხადო გამარჯვება მანამ, სანამ ამ გამარჯვებას მიაღწევ,“ - განაცხადა დონალდ ტრამპმა აშშ-ში გამართულ პრესკონფერენციაზე.

მისივე თქმით, კორონავირუსის გავრცელების შესაჩერებლად მიღებული ზომები, მათ შორის სოციალური დისტანცირება, ვირუსზე გამარჯვვების გზაა. დონალდ ტრამპმა ასევე აღნიშნა, რომ სოციალური დისტანცირების გახანგრძლივების გადაწყვეტილება მას შემდეგ მიიღო, რაც გაიგო, რომ „თუკი ამ ყველაფერს არ განვახორციელებდით, შესაძლო იყო, 2,2 მილიონი ადამიანი დაღუპულიყო, ახლა კი გაცილებით მცირე რიცხვი გვექნება.“

„რაც უფრო კარგად იმოქმედებთ, მით უფრო მალე დამთავრდება ეს კოშმარი,“ - მიმართა დონალდ ტრამპმა ამერიკელებს.

შეგახსენებთ, რამდენიმე დღის წინ დონალდ ტრამპმა განაცხადა, რომ მას სურდა, ქვეყანა აღდგომამდე, ანუ აპრილის შუა რიცხვებამდე გახსნილიყო და ჩვეულ რეჟიმს დაბრუნებოდა. პრეზიდენტის ამ განცხადებას ქვეყნის შიგნით მწვავე კრიტიკა მოჰყვა.

ბოლო მონაცემებით, აშშ-ში ახალი კორონავირუსის 141 000 შემთხვევაა დადასტურებული, დაღუპულთა რაოდენობა კი 2 460-ია.

იხილეთ ვიდეო: დონალდ ტრამპი კორონავირუსთან დაკავშირებით დაწესებულ შეზღუდვებს აპრილის ბოლომე ახანგრძლივებს

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა