IDC-ის ფსიქოთერაპევტები და ფსიქოკონსულტანტები მზად არიან  ნებისმიერ მსურველს ონლაინ რეჟიმში დახმარება აღმოუჩინონ

ფსიქოთერაპიის საერთაშორისო ცენტრი IDC-ის ფსიქოთერაპევტები და ფსიქოკონსულტანტები მზად არიან ნებისმიერ მსურველს დისტანციურად, ონლაინ რეჟიმში დახმარება აღმოუჩინონ.

როგორც "ინტერპრესნიუსს" ორგანიზაციიდან აცნობეს, ინიციატივა „ერთმანეთისთვის” მოიცავს უფასო ფსიქოლოგიურ დახმარებას თვითიზოლაციაში მყოფი პირებისათვის, მათი ახლობლებისა და იმ ადამიანებისათვის, რომლებიც მიმდინარე მოვლენებთან დაკავშირებით განსაკუთრებულ სტრესს განიცდიან.

"COVID 19-ის გავრცელებამ მსოფლიოსთან ერთად ჩვენი ყოველდღიურობაც შეცვალა, რამაც ჩვენი ღირებულებების, სურვილებისა თუ მოთხოვნილებების გადაფასება გამოიწვია. არსებული ვითარებიდან გამომდინარე, უმოკლეს დროში სერიოზული ტრანსფორმაცია განვიცადეთ და სულაც არ არის გასაკვირი ის ემოციები - შიში, დარდი, შფოთვა, რასაც დღეს ბევრი ჩვენგანი განიცდის. აქვე საგულისხმოა ისიც, რომ პანიკას მოსდევს სტრესი. სტრესი, რომელიც იმუნიტეტს აქვეითებს და შესაბამისად, დაავადების რისკსაც ზრდის.

პოზიტიური ფსიქოთერაპიული მიდგომა აერთიანებს სხვადასხვა პრაქტიკულ ინსტრუმენტს, რომელიც სტრესული სიტუაციების გამკლავებისა და ჩვენთვის სასიკეთოდ გამოყენების საშუალებას იძლევა. აქედან გამომდინარე, გაჩნდა იდეა, რომ ჩვენი შესაძლებლობების ფარგლებში დავეხმაროთ იმ ადამიანებს, ვისაც ახლა ყველაზე მეტად სჭირდება.

IDC გთავაზობთ ონლაინ მხარდაჭერის პროგრამას „ერთმანეთისთვის” იმისათვის, რომ ერთად ვიყოთ, ერთად განვვითარდეთ, ერთად გავძლიერდეთ, ერთად შევძლოთ და ერთად გავიმარჯვოთ ერთმანეთისთვის.

პროგრამა მოიცავს ლექციებს, მასტერკლასებს, ჯგუფურ მუშაობასა და იდივიდუალურ ფსიქოკონსულტირებას ანაზღაურების გარეშე“, - აცხადებენ ორგანიზაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა