საქართველოს 54-მა მოქალაქემ, რომელიც თურქმა სამართალდამცავებმა გუშინ სტამბოლში გააბრუნეს, ღამე ავტობუსში გაათენა

საქართველოს 54-მა მოქალაქემ, რომელსაც გუშინ საქართველოსკენ გადაადგილების უფლება არ მისცეს და უკან, სტამბოლში დააბრუნეს, ღამე ავტობუსში გაათენა.

როგორც „ინტერპრესნიუსთან“ საუბრისას ერთ-ერთმა მგზავრმა აღნიშნა, ყველა მათგანი წუხელ აქსარაის სადგურში იმყოფებოდა.

მისივე ინფორმაციით, ადგილზე საქართველოს საელჩოს წარმომადგენლებს ელოდებიან.

„ჯერჯერობით ისევ ვიმყოფებით თურქეთში, სტამბოლის აქსარაის სადგურში. ღამე აქ გავათენეთ ავტობუსში. ველოდებით მძღოლები გამომგზავრების ნებართვას როდის მიიღებენ. როგორც გვითხრეს, დაწესებულებები 10 საათზე იწყებენ მუშაობას. არც ის ვიცით, დოკუმენტის გაცემას რა დრო დასჭირდება ან შევძლებთ თუ არა დღეს საქართველოსკენ გამომგზავრებას. ახლა გავრცელდა მგზავრებში ინფორმაცია, რომ საელჩოს წარმომადგენლები უნდა მოვიდნენ“, - აღნიშნა ერთ-ერთმა მგზავრმა, ლალი ხარხელმა „ინტერპრესნიუსთან“ საუბრისას.

შეგახსენებთ, რომ სტამბოლიდან საქართველოს მიმართულებით მოძრავი ავტობუსი, რომელშიც ქვეყნის 54 მოქალაქე იმყოფება, გუშინ, თურქი სამართალდამცავების გადაწყვეტილებით, უკან დააბრუნეს. მიზეზი დოკუმენტის არქონა გახდა, რის გამოც, ავტობუსს პოლიციამ გადაადგილების უფლება არ მისცა. თურქი სამართალდამცავების თქმით, გადაადგილების ნებართვის დოკუმენტი მძღოლებს სტამბოლში უნდა აეღოთ.

საქართველოს საგარეო საქმეთა სამინისტროს ინფორმაციით, ქართულ ტურისტულ კომპანიას პრობლემა თურქეთში დაწესებული შიდა გადაადგილების შეზღუდვიდან გამომდინარე შეექმნა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო