სომხეთში კორონავირუსით ინფიცირებულთა საერთო რაოდენობა 482-მდე გაიზარდა. ინფორმაციას ქვეყნის ჯანდაცვის სამინისტრო ავრცელებს.
ამასთან, გაიზარდა გამოჯანმრთელებულთა რაოდენობა და 30-ს მიაღწია. დაღუპულია სამი ადამიანი.
დღეს ასევე გავრცელდა ინფორმაცია, რომ COVID-19-ით ინფიცირებულნი არიან ექიმები და სამხედროებიც. ინფექცია დაუდგინდა დაავადებათა ეროვნული ცენტრის 14 თანამშრომელს და 12 ჯარისკაცს.