ეკა ადამია - თუ ფორსმაჟორული სიტუაცია იქნება, ონკოლოგიური პაციენტებისთვის გადაუდებელი ოპერაციები საქართველოში ჩატარდება

ჯანდაცვის სამინისტროს ჯანდაცვის დეპარტამენტის პროგრამების სამმართველოს უფროსის, ეკა ადამიას განცხადებით, თუ ფორსმაჟორული სიტუაცია იქნება, ონკოლოგიური პაციენტებისთვის გადაუდებელი ოპერაციები საქართველოშიც ჩატარდება.

როგორც მან "ინტერპრესნიუსს" განუცხადა, პირობითად, ღვიძლის ტრანსპლანტაციის ოპერაციები საქართველოშიც ჩატარებულა და ამის შესაძლებლობა ტექნიკურად არის.

"როგორც იცით, გეგმური სერვისები 4-თვიან პერიოდზე გადანაწილდება. გადანერგვაც შეიძლება იყოს გეგმური და გადაიწიოს, მაგრამ თუ ფორსმაჟორული სიტუაცია იქნება, ოპერაცია ჩატარდება საქართველოში. პირობითად, ღვიძლის ტრანსპლანტაციის ოპერაციები საქართველოშიც ჩატარებულა და ამის შესაძლებლობა ტექნიკურად არის", - განაცხადა ეკა ადამიამ.

მისივე თქმით, საქართველომ ონკოლოგიური პაციენტების საზღვარგარეთ გაგზავნა კორონავირუსის პრევენციის გამო ჩაკეტილი საზღვრების მიუხედავადაც რომ შეძლოს, პაციენტებს სხვა ქვეყანაში კარანტინის გავლა მოუწევთ.

"საქართველოდან ჩასული პირი, იქაურ მხარესაც რომ ველაპარაკე, ექვემდებარება კარანტინს და ეს იმას ნიშნავს, რომ თუ ორ კვირაში დანიშნული აქვს ოპერაცია და ორ კვირაში წავა, ორი კვირა იქ კარანტინის გავლა მოუწევს, ამასობაში შეიძლება ეს შეზღუდვები მსოფლიოში სრულად მოიხსნას.

როგორც გავარკვიეთ, მაგალითად ავსტრიაც არ იღებს პაციენტებს და შეიძლება სერვისი უბრალოდ ვერ მიიღონ, რადგან ქვეყნებს შორის ჩაკეტილია საზღვრები და მიმოსვლა. ჩვენ რომ აქედან მოვახერხოთ გაგზავნა, ყველა ქვეყანაში უკვე კარანტინია. ერთნაირი მიდგომაა ყველგან, მსოფლიოში“, - აღნიშნა მან.

ეკა ადამიანს განცხადებით, გეგმური სერვისის გადავადების მიუხედავად, არ არსებობს გადაუდებელი სერვისები, რომელსაც პაციენტები საქართველოში ვერ მიიღებენ.

„უცხოეთში მიდიან ძირითადად გეგმური ოპერაციების გამო, რომელიც აქ ვერ ტარდება, მაგალითად ტრანსპლანტაცია და ა.შ, რომელთა გადავადებაც შეიძლება და საზღვრების ჩაკეტვა ხომ უსასრულო არაა?

გეგმური სერვისებისთვის ჩვენ საგარანტიოების გაცემა გადავწიეთ ოთხი თვის ვადით, მაგრამ ნებისმიერ პაციენტს ონკოლოგიური იქნება თუ სხვა, რომ დასჭირდეს გადაუდებელი დახმარება, ამის საქართველოში მიღების შესაძლებლობა არსებობს," - განაცხადა ეკა ადამიამ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!