აზიური ფაროსანას მონიტორინგის მიზნით, USAID საქართველომ სურსათის ეროვნულ სააგენტოს 104 ათასი ფერომონი (მავნებლის მოსაზიდი) გადასცა.
როგორც „ინტერპრესნიუსს“ სურსათის ეროვნული სააგენტოდან აცნობეს, მონიტორინგის სისტემები მთელი საქართველოს მასშტაბით განთავსდება, ხოლო სამეგრელოს, გურიის, იმერეთის რეგიონებისა და აჭარის 500 სოფელში, ე.წ. „მოიზიდე და გაანადგურე“ სადგურები დამონტაჟდება.
„USAID-ის „საქართველოს თხილის სექტორის განვითარების პროექტის“ (G-HIP) ხელმძღვანელის გიორგი მანაგაძის განცხადებით, მონიტორინგის მეშვეობით შესაძლებელია მავნებლის დროული იდენტიფიცირება, რაც ხელს შეუწყობს მოსავლის დაცვას და ეკონომიკური ზარალის თავიდან აცილებას.
ამასთან, სურსათის ეროვნული სააგენტოს უფროსმა ზურაბ ჩეკურაშვილმა ხაზგასმით აღნიშნა USAID-ის მხარდაჭერის მნიშვნელობა.
ფაროსანას მონიტორინგისთვის მსოფლიოს ერთ-ერთი წამყვანი-ამერიკული კომპანია „ტრესეს“ წარმოებული ფერომონები გამოიყენება”, - ნათქვამია ინფორმაციაში.