საქართველოს წითელი ჯვარი ფსიქიკური ჯანმრთელობისა და ფსიქოსოციალური დახმარების სფეროში საკოორდინაციო პლატფორმის შექმნას გეგმავს

საქართველოს წითელი ჯვარი ფსიქიკური ჯანმრთელობისა და ფსიქოსოციალური დახმარების სფეროში საკოორდინაციო პლატფორმის შექმნას და სამედიცინო პერსონალისთვის, კარანტინსა და თვითიზოლაციაში მყოფი პირებისთვის დამატებითი სერვისის ამუშავებას გეგმავს. ამის შესახებ „ინტერპრესნიუსს“ წითელი ჯვრიდან აცნობეს.

მათივე ცნობით, საქართველოს წითელი ჯვრის ბაზაზე, COVID-19 თან დაკავშირებით განვითარებულ სიტუაციაზე რეაგირების მიზნით, უკვე ერთი თვეა მუშაობს უფასო ცხელი ხაზი (0800 000 018) მოქალაქეებისთვის ინფორმაციის და ემოციური მხარდაჭერის გასაწევად.

„საქართველოს წითელი ჯვარი გეგმავს საკოორდინაციო პლატფორმის შექმნას და ფსიქიკური ჯანმრთელობისა და ფსიქოსოციალური დახმარების კუთხით დამატებითი სერვისის ამუშავებას სამედიცინო პერსონალისთვის, კარანტინში და თვითიზოლაციაში მყოფი პირებისთვის, რისთვისაც მეტი პროფესიონალის მობილიზებაა საჭირო. მოგიწოდებთ პროფესიონალ ფსიქოლოგებს, ჩაერთოთ აღნიშნულ სერვისში და გახდეთ წითელი ჯვრის მოხალისე. დაგვიკავშირდით ელ.ფოსტაზე: pss@redcross.ge“, - ნათქვამია ინფორმაციაში.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია