საქართველოს პრემიერ-მინისტრის გიორგი გახარიას განცხადებით, თვითიზოლაციის წესების დარღვევის მასობრივი შემთხვევების შემდეგ, მთავრობამ გადაწყვეტილება მიიღო, ადამიანების უმეტესობა კარანტინის რეჟიმისთვის დაექვემდებარებინა.
გახარიას თქმით, შესაბამისად კარანტინში მათი გადაადგილებისა და მობილობის კონტროლი უფრო ადვილია. „თვითიზოლაცის წესების დარღვევის პრევენციის მიზნით, ჩვენ მივიღეთ გადაწყვეტილება, რომ თვითიზოლაციის რაოდენობა შეგვემცირებინა და მაქსიმალურად გაგვეზარდა კარანტინის რაოდენობა, ამიტომ დღეს ჩვენ კარანტინში გვყავს 4878 მოქალაქე. ეს არის ის პასუხი, რომელიც იყო თვითიზოლაციის დარღვევის მასობრივ შემთხვევებზე იმიტომ, რომ ჩვენ მივხვდით, რომ ჯარიმა, რა თქმა უნდა, მუშაობდა, მაგრამ თავი რომ დაგვეზღვია, ადამიანების მინიმალური რაოდენობა გავუშვით თვითიზოლაციაში და მაქსიმალური გავუშვით კარანტინში, სადაც მათი გადაადგილებისა და მობილობის კონტროლი უფრო ადვილია“, - განაცხადა გიორგი გახარიამ.