იუსტიციის მინისტრი პატიმრებს მოუწოდებს, მოუფრთხილდნენ და პატივი სცენ სასჯელაღსრულების სისტემის იმ 780 თანამშრომელს, ვინც შემდეგი კვირების განმავლობაში საპატიმროების შენობებში იცხოვრებს. თეა წულუკიანმა მთავრობის ადმინისტრაციაში გამართულ ბრიფინგზე პატიმრებს მოუწოდა, ამ თანამშრომლების მიმართ ნებისმიერი ტიპის აგრესიის გამოხატვისგან თავი შეიკავონ.
„პატიმრებს მინდა მივმართო და ვთხოვო, რომ ამ 780 თანამშრომელს, რომელმაც ნებით გადაწყვიტა მათთან ერთად საპატიმროში ცხოვრება მომდევნო კვირების განმავლობაში, მოუფრთხილდნენ და პატივი სცენ მათ; თუკი ჩვეულებრივ დროს გვქონდა ჩვენი თანამშრომლების შეურაცხყოფის ფაქტები, მომდევნო კვირებში მაინც თავი შეიკავონ ამ თანამშრომლებისადმი ნებისმიერი ტიპის აგრესიისაგან, რადგან ესენი არიან ის ადამიანები, ვინც სახელმწიფო და საზოგადოებრივი საჭიროებიდან გამომდინარე, დათანხმდა დაწესებულების ტერიტორიაზე არაერთი დღით მუდმივ რეჟიმში ცხოვრებას,“ - განაცხადა წულუკიანმა.