პარტია „ევროპული საქართველოს“ ერთ-ერთი ლიდერის გიგა ბოკერიას განმარტებით, პრემიერ-მინისტრ გიორგი გახარიას განცხადებები პოლიტიკურ ნებას არ შეიცავს, რომ შეზღუდვები სასულიერო პირებსაც შეეხოს.
„ასეთ მძიმე დროს გამკაცრება, ასეთი შეზღუდვები არის კიდეც საჭირო მცირე დროით, უბრალოდ, რა წესებიც დადგინდა, ის უნდა შესრულდეს და აქამდე არსებული შეზღუდვები არ სრულდებოდა სასულიერო პირების და მრევლის ნაწილის მიმართ. ახლაც პრემიერ-მინისტრის განცხადებები არ შეიცავდა პოლიტიკურ ნებას, რომ ეს წესები შესრულდეს. ამიტომ არის ეს პრობლემა. უნდა იყოს ხედვა ამის შემდეგ როგორ ვმოძრაობთ, რას ვშვრებით, ჯანდაცვაში გრძელვადიანად და ეკონომიკაში, თორემ ასე დიდ ხანს ვერ გაგრძელება. „ევროპულმა საქართველომ“ ჩვენი სრულფასოვანი ხედვა, გეგმა დავდეთ და გვინდა გამოხმაურება, საქმიანი საუბარი და ყველა შემთხვევაში, გინდა მთავრობის ხედვის მოსმენა იმიტომ რომ, ეს ქვეყანას სჭირდება“, - განაცხადა ბოკერიამ.