პორტუგალიის პარლამენტში მოქმედი გლობალური საპარლამენტო კავშირი UNITE მარიამ ჯაშის ვიდეო-მიმართვას “დარჩი სახლში”ავრცელებს

პორტუგალიის პარლამენტში მოქმედი გლობალური საპარლამენტო კავშირი UNITE მარიამ ჯაშის ვიდეო-მიმართვას “დარჩი სახლში” ავრცელებს. ამის შესახებ „ინტერპრესნიუსს“ საქართველოს პარლამენტიდან აცნობეს.

მარიამ ჯაში ვიდეო მიმართვაში აცხადებს, დღეს ჩვენ გლობალური ჯანდაცვის უპრეცედენტო მასშტაბის კრიზისის წინაშე ვდგავართ, მაგრამ იმედი არ უნდა დავკარგოთ, რადგან გამოსავალი აუცილებლად მოიძებნება.

“დღეს ჩვენ გლობალური ჯანდაცვის უპრეცედენტო მასშტაბის კრიზისის წინაშე ვდგავართ, მაგრამ იმედი არ უნდა დავკარგოთ, რადგან გამოსავალი აუცილებლად მოიძებნება.

ჩემს კოლეგებს - მედიკოსებს, საზოგადოებრივი ჯანდაცვის ექსპერტებს და პოლიტიკოსებს - სჭირდებათ დრო ახალი ვაქცინის შესაქმნელად. მათ სჭირდებათ დრო კორონავირუსის წინააღმდეგ უფრო უკეთესი და ეფექტური სამკურნალო პრეპარატების მოსაძიებლად. ყველაზე მნიშვნელოვანი, რაც დღეს შეგვიძლია ყველამ გავაკეთოთ - სწორედ დროის მოგებაა მსოფლიოს წამყვან მეცნიერთათვის.

ამიტომ, გთხოვთ, დარჩეთ სახლში და მოიგოთ დრო კორონავირუსის წინააღმდეგ ბრძოლაში.

სახლში დარჩენით არამარტო საკუთარ თავს, ოჯახს და ქვეყანას იცავთ, არამედ, გადაჭარბების გარეშე მსოფლიოს მოსახლეობასაც.

დროა გავერთიანდეთ კორონავირუსის წინააღმდეგ. დროა დავრჩეთ სახლში!"-ნათქვამია განცხადებაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა