თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, ინფექციურ საავადმყოფოში მყოფი კორონავირუსით ინფიცირებული რამდენიმე პაციენტის შემთხვევაში ტესტის პირველადმა პასუხმა უარყოფითი აჩვენა.

როგორც ეზუგბაიამ განმარტა, ალბათ, ხვალ ეცოდინებათ განმეორებითი ტესტის შედეგები.

"საერთოდ, შემიძლია, ვთქვა, რომ 49 დადასტურებულმა შემთხვევამ გაიარა ჩვენს ცენტრში და როგორც იცით, 17-მა პაციენტმა დატოვა კლინიკა. პაციენტების მონიტორინგი კვლავ გრძელდება იმ პაციენტების, რომლებსაც გარკეულწილად შეუსრულდათ დაავადების ხანგრძლივობის და კლინიკო-ლაბორატორიული, ობიექტური მონაცემების მიხედვით შეიძლება, ვთქვათ, რომ გამოჯანმრთელება არის დამდგარი, რომელსაც ვადასტურებთ ტესტირებით და მიღებული უარყოფითი პასუხით. რამდენიმე პაციენტის პირველადი უარყოფითი პასუხები გვაქვს და ხვალ ალბათ, გვეცოდინება განმეორებითი პასუხები, თუ დადგება გამოჯანმრთელება, მოგახსენებთ“,-განაცხადა ეზუგბაიამ.