მაია ცქიტიშვილი - აჟიოტაჟი ტესტებთან დაკავშირებით არის უფრო ხელოვნური და პოპულისტური, ვიდრე რეალობა

ტესტირება, დაავადების ადრეული გამოვლენა, კარანტინში მოქცევა - ყველა ეს ზომა არის ნაწილი იმ საერთო გეგმისა და ღონისძიებების ერთობლიობისა, რომლის გატარებაც არის საჭირო ეპიდემიის მალე დასამარცხებლად , - ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა.

როგორც მან აღნიშნა, ხშირად ტესტები ერთგვარ პანაცეად და გადამწყვეტ ფაქტორად არის წარმოჩენილი ეპიდემიის წინააღმდეგ ბრძოლაში, რაც არასწორია.

,,ტესტები არის ღონისძიებათა კომპლექსის ერთი ნაწილი და რა თქმა უნდა, ძალიან მნიშვნელოვანი. როგორც იცით, არც ერთ პაციენტს არ ჰქონია ტესტირების პრობლემა. არ გვქონია დიაგნოსტიკის პრობლემა, მიუხედავად იმისა, რომ ხედავთ, რა მდგომარეობაა ძალიან ბევრ განვითარებულ ქვეყანაში. ქალბატონმა ეკა ტიკარაძემ მარნეულშიც ჩაიტანა ტესტების საჭირო რაოდენობა. ერთდროულად ეს ტესტები არ გვჭირდება, ტესტების შემოსვლა და მოსახლეობის ტესტირება ხდება პარალელურად გავრცელების დინამიკასთან ერთად. არაერთხელ განგვიცხადებია, რომ შემოგვდის ტესტები ეტაპობრივად. ამ მიმართულებითაც არანაირი პრობლემის წინაშე არ ვართ და ეს აჟიოტაჟი ტესტებთან დაკავშირებით არის უფრო ხელოვნური და პოპულისტური, ვიდრე რეალობა“,-განაცხადა მაია ცქიტიშვილმა.

მან ასევე აღნიშნა, რომ ამ დღეების განმავლობაში მარნეულისა და ბოლნისის მუნიციპალიტეტში 106 000 ადამიანს თერმოსკრინინგი ჩაუტარდა, ხოლო მათ ვისაც დაუფიქსირდა მაღალი ტემპერატურა ჩაუტარდა ტესტირებაც.

აღნიშნულ ინფორმაციას მთავრობის ადმინისტრაცია ავრცელებს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"