საქართველოს ნებისმიერ მოქალაქეს, დღეიდან, ნებისმიერ დროს ქალაქში გადაადგილებისას, პირადობის დამადასტურებელი დოკუმენტი თან უნდა ჰქონდეს. როგორც პრემიერ-მინისტრმა გიორგი გახარიამ მთავრობის ადმინისტრაციაში გუშინ გამართულ ბრიფინგზე აღნიშნა, შეზღუდვების ეფექტური აღსრულება ქვეყნის ნებისმიერი სოციალური ჯგუფისთვის უკიდურესად მნიშვნელოვანია.
„ამ შეზღუდვების ეფექტური აღსრულება და რაც მთავარია ამ შეზღუდვებში თანამშრომლობა სახელმწიფოს, მოქალაქეს და ნებისმიერი ამ ქვეყნის სოციალური ჯგუფის არის უკიდურესად მნიშვნელოვანი იმისთვის, რომ ჩვენ შედარებით წარმატებული გამოწვევაზე პასუხი, რომელიც აქამდე გვქონდა გავაგრძელოთ,“ - განაცხადა გიორგი გახარიამ.