ბოჭორიშვილის სახელობის კლინიკის სამეთვალყურეო საბჭოს თავმჯდომარის, მაკა სოლოღაშვილის ინფორმაციით, კლინიკაში კორონავირუსის ახალი შემთხვევა არ დაფიქსირებულა. მისივე თქმით, დღეს კორონავირუსზე ანალიზი კიდევ 2 პაციენტს ჩაუტარდება.
სოლოღაშვილის განმარტებით, კლინიკაში მყოფი ინფიცირებული პაციენტების ჯანმრთელობის მდგომარეობა სტაბილურია.
„ამ დროისათვის ბოჭორიშვილის კლინიკაში 13 პაციენტი მკურნალობს ბოქსირებულ სექტორში. ამ 13 პციენტიდან კვლავ 5 პაციენტია კორონავირუსით ინფიცირებული. გუშინ კვლევაში 2 ახალი პაციენტი იყო ჩართული, რომელთაც საბედნიეროდ უარყოფითი პასუხი დაუდგინდა. დღეს კვლევაში კვლავ 2 პაციენტი ჩაერთვება და დაველოდებით მათ შედეგებს. ინფიცირებულთა ჯანმრთელობის მდგომარეობა დამაკმაყოფილებელია, ყველგან საშუალო სიმძიმით მიმდინარეობს, არასრულწლოვანების მდგომარეობაც დამაკმაყოფილებელია და ყველაფერი მიდის პროტოკოლის მიხედვით“, - განაცხადა მაკა სოლორაშვილმა.