ლევან გოფოძე - შიდა გადადებაა უკვე - სამედიცინო პერსონალიდან დაწყებული, ჟურნალისტების ჩათვლით, ყველას სიფრთხილე გვმართებს

რესპუბლიკური საავადმყოფოს დირექტორის, ლევან გოფოძის განცხადებით, კორონავირუსის შიდა გადაცემისას განსაკუთრებული სიფრთხილეა საჭირო. მან ჟურნალისტები გააფრთხილა, რომ სამედიცინო პერსონალთან ერთად, ისინიც ამ თვალსაზრისით მაღალი რისკის ჯგუფში შედიან.

გოფოძის თქმით, შიდა გადადების დროს კონტაქტების დადგენა პრაქტიკულად შეუძლებელი ხდება.

„შიდა გადადება არის უკვე, ამიტომაც ყველას განსაკუთრებული სიფრთხილე გვმართებს. დაწყებული სამედიცინო პერსონალიდან, ჟურნალისტებს ყოველდღე გაფრთხილებთ, რადგან თქვენც საკმაოდ მაღალი რისკის კონტინგენტს მიეკუთვნებით. რა თქმა უნდა, მოსახლეობაც. დარჩით სახლში, დაიცავით სოციალური დისტანცირება და მაქსიმალურად შევზღუდოთ კონტაქტები, რადგან შიდა გადაცემა ყველაზე დიდი პრობლემაა. როდესაც ზუსტად ვიცით, ვინ საიდან ჩამოვიდა, რა ჩამოიტანა და როგორ, მათი მართვა შედარებით ადვილია, რადგან კონტაქტების დადგენა ადვილია. შიდა გადადების დროს კონტაქტების დადგენა პრაქტიკულად შეუძლებელი ხდება, ვისგან მივიღეთ არ ვიცით და ამიტომაც განსაკუთრებული ყურადღება გვმართებს. საგანგებო სიტუაციების გამკაცრების მიზეზი ისაა, რომ შიდა გადაცემის რამდენიმე ფაქტი დაფიქსირდა“,-აცხადებს გოფოძე.

მისი თქმით, უსიმპტომო პაციენტიდან კორონავირუსის გადადების რისკი მაღალია, ამიტომ მოქალაქეებმა სიფრთხლე უნდა გამოიჩინონ და დაიცვან სოციალური დისტანცია.

„რა თქმა უნდა, რისკი მაღალია. უსიმპტომო პაციენტი ინფიცირებულია, მაგრამ სიმპტომები არ აქვს. სამწუხაროდ, კორონავირუსისთვის დამახასიათებელია უსიმპტომოდ მიმდინარეობა ან მსუბუქი ფორმები, რასაც შეიძლება ადამიანი ყურადღებას არ აქცევდეს, რომ ინფიცირებულია. სწორედ ამიტომ არის, რომ საუკეთესო საშუალება დისტანცირებაა. გრძნობ თუ არ გრძნობ, მაქსიმალურად ფრთხილად იყავი. დაიცავი შენი თანამოქალაქეები, თანამოძმები შენი კონტაქტისგან, ეს ძალიან მნიშველოვანია“,-აცხადებს გოფოძე.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა