სერგი კაპანაძე - ფოთში ღრმაწყლოვანი პორტისთვის მიწათსარგებლობის ნებართვის გაცემა, ზრდის ეჭვებს, რომ ანაკლიის მშენებლობა მთავრობის ინტერესში არაა

„ევროპული საქართველოს“ წევრის სერგი კაპანაძის შეფასებით, მთავრობის მხრიდან ფოთში ღრმაწყლოვანი პორტის მშენებლობისთვის მიწათსარგებლობის ნებართვის გაცემა კიდევ უფრო ზრდის ეჭვებს იმასთან დაკავშირებით, რომ ანაკლიის პორტის მშენებლობა მთავრობის ინტერესში არ არის.

„ის არათანმიმდევრული დამოკიდებულება, კონკრეტულად ფოთის პორტის ტერმინალის, კონკრეტულად მათ მიმართ გაცემული მიწათსარგებლობის უფლებაზე და ზოგადად, ის რაც მოხდა ანაკლიასთან მიმართებით, პირდაპირ აჩვენებს, რომ სახელმწიფოს ინტერესი შეეცვალა. ჯამში, ეს ძალიან დამაზიანებელია ჩვენი ქვეყნისათვის. მითუმეტეს, ახლა ამისთვის მოცლა ხელისუფლების მხრიდან, როდესაც ყველა კორონავირუსთან ბრძოლით არის დაკავებული კიდევ ერთხელ მეტყველებს მათ უპასუხისმგებლობაზე და არაკომპეტენტურობაზე“, - განაცხადა სერგი კაპანაძემ.

შეგახსენებთ,რომ „ეიპიემ ტერმინალს ფოთმა“ ახალი ღრმაწყლოვანი პორტის მშენებლობისთვის მიწათსარგებლობის ნებართვა მიიღო, რაც სამშენებლო ნებართვის მიღების პროცესის დასაწყისია. პრემიერ-მინისტრ გიორგი გახარიას განცხადებით, ფოთის პორტის ვალდებულებაა, უახლოესი 2 წლის განმავლობაში 350 მილიონი დოლარის ინვესტირება და, მინიმუმ, მშენებლობის ეტაპზე 1500 სამუშაო ადგილის შექმნა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!