პანამამ კორონავირუსთან ბრძოლის უპრეცეტენდო გადაწყვეტილება მიიღო. პრეზიდენტ ლორენსო კორტიზოს ინფორმაციით, გამოიყოფა დღეები, როცა მხოლოდ ქალებს ან მხოლოდ მამაკაცებს შეეძლებათ გარეთ გასვლა.

„პირველი აპრილიდან, ქალები საჭმლის საყიდლად სახლიდან გასვლას შეძლებენ ორშაბათობით, ოთხშაბათობით და პარასკევობით, ხოლო მამაკაცები სამშაბათობით, ხუთშაბათობით და შაბათობით. რაც შეეხება კვირას. ყველა დარჩება სახლში“,-აღნიშნა პრეზიდენტმა.

ცნობისთვის, პანამაში კორონავირუსის სულ 1000 შემთხვევაა დაფიქსირებული. ვირუსით 27 ადამიანი გარდაიცვალა.