თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორის, ლალი ტურძელაძის განცხადებით, მედპერსონალი ჯანმრთელობის მსოფლიო ორგანიზაციის პროტოკოლის მიხედვითა შემოსილი და „შეიძლება ცოტა უფრო მეტადაც“.
ტურძელაძის განმარტებით, ჯანმო-ს ბოლო რეკომენდაციით, საკმარისია ქუდი, ნიღაბი, სათვალე, ხელთათმანი, ბახილი და ერთჯერადი ხალათი, რომელიც უკან იკვრება.
„ჩვენ ზუსტად ისე გვყავს დაცული თანამშრომლები, ჩვენი ექთნები და ექიმები, როგორც გვასწავლის ჯანმრთელობის მსოფლიო ორგანიზაცია. ჩვენ ზუსტად მივყვებით იმ პროტოკოლს. ზუსტად ისეთი ჩაცმული გვყავს, შეიძლება ცოტა მეტადაც იმიტომ, რომ ჯანმო -ს ბოლო რეკომენდაციით, რომელიც 13 მარტს დაიდო და მის მერე არ განახლებულა, ის წერს, რომ არ არის საჭირო ეს „კოსმონავტის ფორმა“, საკმარისია ქუდი, ნიღაბი, სათვალე ხელთათმანი, ბახილი და ერთჯერადი ხალათი, რომელიც უკან იკვრება. ჩვენ კი გვაქვს ის კომბინიზონი და ცოტა უფრო მეტად გვყავს შემოსილი თანამშრომლები, ვიდრე ჯანმრთელობის მსოფლიო ორგანიზაციას უწერია“, - განაცხადა ლალი ტურძელაძემ.