ინფექციური საავადმყოფოს კლინიკური დირექტორის, მარინა ეზუგბაიას განცხადებით, შიდა გადაცემების დიაგნოსტირება შესაძლებელია გაძნელდეს, მაგრამ ეს არასწორად მუშაობის შედეგი არ არის.
ეზუგბაია მოუწოდებს მედიას, ნუ გაავრცელებენ ისეთ ინფორმაციას, რომელიც მოსახლეობაში უნდობლობას გამოიწვევს.
„მინდა გითხრათ, რომ შიდა გავრცელება ნიშნავს, პაციენტები რომლებსაც არ აქვთ მოგზაურობის ისტორია, არ აქვთ კონტაქტი უკვე დადასტურებულ შემთხვევებთან, აქვთ ცხელებით მიმდინარე დაავადებები, მათი დიაგნოსტირება შესაძლებელია გაძნელდეს. შიდა გავრცელება ზუსტად ამას ნიშნავს, რომ წყაროს გარეშე, შეიძლება მოხდეს ამ პაციენტების გამოვლენა, მაგრამ შიდა გადაცემა არ ნიშნავს, რომ არასწორად მუშაობის შედეგია და ნუ გავავრცელებთ ისეთ ინფორმაციას, რომელიც მოსახლეობაში უნდობლობას გამოიწვევს“, - განაცხადა მარინა ეზუგბაიამ.