სამტრედიის მე-15 სკოლაში, სადაც ანტისოციალური ქცევის მქონე არასრულწლოვნები სწავლობენ, დისტანციური სწავლებაზე გადავიდნენ

სამტრედიის მე-15 სკოლაში, სადაც მთელი საქართველოდან ანტისოციალური ქცევის მქონე არასრულწლოვნები სწავლობენ, დისტანციურ სწავლებაზე გადავიდნენ. ამის შესახებ საქართველოს მთავრობის 205-ე დადგენილებაშია აღნიშნული.

დადგენილებაში, რომელსაც ხელს საქართველოს პრემიერ-მინისტრი გიორგი გახარია აწერს და ძალაში დღეიდან შევიდა, აღნიშნულია, რომ სააღმზრდელო პროცესი აუცილებელი პერსონალის მონაწილეობით მიმდინარეობს.

„სსიპ „სამტრედიის №15 საჯარო სკოლაში“ სასწავლო პროცესი მიმდინარეობს დისტანციურად, ამ დადგენილებით გათვალისწინებული პირობების შესაბამისად;

სააღმზრდელო პროცესი მიმდინარეობს აუცილებელი პერსონალის მონაწილეობით, რომელიც ზოგადსაგანმანათლებლო დაწესებულების მიერ განსაზღვრული სპეციალური განრიგითა და პირობებით აგრძელებს მუშაობას. სააღმზრდელო პროცესში დამატებით გამოიყენება დისტანციური მომსახურებები“,- აღნიშნულია დადგენილებაში.

რაც შეეხება პენიტენციურ დაწესებულებებში ზოგადი განათლების მიწოდებას, დადგენილების თანახმად, ეს ხორციელდება დისტანციურად, შესაბამისი პენიტენციური დაწესებულების მიერ განსაზღვრული პირობებით.

ამავე დადგენილებაში ნათქვამია, რომ თავშესაფრის მაძიებლებისთვის საგანმანათლებლო სერვისების მიწოდება უნდა განხორციელდეს დისტანციური ფორმით, ზოგადსაგანმანათლებლო დაწესებულების ადმინისტრაციის ჩართულობით.

„მოსწავლის მშობელი/კანონიერი წარმომადგენელი ვალდებულია, ითანამშრომლოს ზოგადსაგანმანათლებლო დაწესებულების ადმინისტრაციასთან, დამრიგებელსა და საგნის/სპეციალურ მასწავლებელთან“, - აღნიშნულია დადგენილებაში.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს