კორონავირუსის გავრცელების თავიდან ასაცილებლად აშშ-ის ფედერალური სასჯელაღსრულების სისტემა ციხეებში იზოლაციის წესებს ამკაცრებს, - ამის შესახებ ინფორმაციას „სი-ენ-ენი“ აშშ-ის ციხეების ბიუროზე დაყრდნობით ავრცელებს.

მათივე ინფორმაციით, გამკაცრებული წესების ფარგლებში პატიმრებს მომავალი 2 კვირის განმავლობაში თავიანთი საკნების დატოვება აეკრძალებათ.

გამონაკლისი დაიშვება მხოლოდ სპეციალურ პროგრამებსა თუ სერვისებში ჩართული პატიმრებისთვის, მაგალითად მათთვის, ვისაც ფსიქიკურ ჯანმრთელობასთან დაკავშირებული მკურნალობა უტარდება, ან საგანმანათლებლო პროგრამაშია ჩართული.

შეგახსენებთ, ლუიზიანას ციხეში რამდენიმე დღის წინ კორონავირუსით პატიმარი გარდაიცვალა.