CNN-ის ცნობილ წამყვანს კორონავირუსი დაუდგინდა

ნიუ-იორკის გუბერნატორის ძმას, CNN-ის წამყანს, ქრის ქუომოს კორონავირუსი დაუდგინდა.

„ეს რთული დროება კიდევ და კიდევ უფრო რთულდება დღითი დღე. ახლახანს გავიგე, რომ კორონავირუსი მაქვს. იმედი მაქვს ჩემს შვილებს და კრისტინას არ გადავდე, თორემ ეს დაავადებაზე უარესი იქნება“,- დაწერა წამყვანმა „ტვიტერის“ საკუთარ გვერდზე.

ინფორმაცია დაადასტურა თავად გუბერნატორმაც.

„ეს ვირუსი ყველას ათანაბრებს. ჩემს ძმას, საუკეთესო მეგობარს ვირუსი დაუდგინდა. ის ახალგაზრდაა, ძლიერი - შეიძლება არც ისე ძლიერი როგორც თავად ფიქრობს, მაგრამ, კარგად იქნება“,-აღნიშნა გუბერნატორმა.

ცნობისთვის, აშშ-ში კორონავირუსის დადასტურებულმა შემთხვევებმა 188590-ს გადააჭარბა. ყველაზე მეტად ნიუ-იორკი დაზარალდა. გუბერნატორმა ქუომომ არაერთხელ გააკრიტიკა აშშ-ის პრეზიდენტი, დონალდ ტრამპი არაეფექტური ზომების გამო. გუშინ მან მეცნიერებს და ტრამპთან დაახლოებულ პირებს მოუწოდა, აუხსნან პრეზიდენტს, რომ ეს პოლიტიკური წვრთნები არ არის. „ეს ცუნამია, რომელიც მოდის“,-აღნიშნა ქუომომ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია