საქართველოში კორონავირუსზე ტესტებს სამი კატეგორიის პირებისთვის ჩაატარებენ

საქართველოში კორონავირუსზე ტესტებს სამი კატეგორიის პირებისთვის ჩაატარებენ. როგორც ჯანდაცვის მინისტრის მოადგილემ, თამარ გაბუნიამ მთავრობის ადმინისტრაციაში გამართულ ბრიფინგზე განაცხადა, ალგორითმში უკვე განსაზღვრულია სქემები და ტესტირებები უახლოეს მომავალში დაიწყება.

გაბუნიას განმარტებით, ტესტებს იმ პირებსაც ჩაუტარებენ, ვინც კლინიკებს ცხელების სიმპტომებით მიმართავს. ასევე, სამედიცინო პერსონალს, ვინც მაღალი რისკის კლინიკებში მუშაობს ან ასევე ორგანიზებულ-ინსტიტუციურ დაწესებულებებში იმყოფებიან.

„სტანდარტი კვლავ რჩება PCR მეთოდით ტესტირება, მაგრამ ასევე არის განსაზღვრული სწრაფი ტესტების ადგილი, ეს შეეხება როგორც ანტიგენზე, ასევე ანტისხეულებზე დამყარებულ ტესტებს. ალგორითმში განსაზღვრულია სქემები პაციენტთა სამი კატეგორიისთვის. ეს გახლავთ პირელ რიგში კვლავაც სიმპტომური პაციენტები, რომლებიც სრულად აკმაყოფილებენ საეჭვო შემთხვევის განმატებას, უკავშირდებიან მოგზაურობის ანამნეზს და გამოხატული აქვთ ის კლინიკური ნიშნები, რაც შესაძლოა იყოს კორონავირუსის მაჩვენებელი. თუმცა, მნიშვნელოვანია ჩვენ ტესტირების მაჩვენებელი შევქმნათ იმ პირებისთვის უკვე, ვისაც არ ჰქონია მოგზაურობის ანამნეზი. ამდენად, ალგორითმი ითვალისწინებს იმ პაციენტების ტესტირებას, რომლებიც ამბულატორიულ კლინიკებს ან ჰოსპიტალს მიმართავენ ცხელების სიმპტომებით. ამ შემთხვევაში ჩვენ უკვე გვაქვს მზაობა იმის, რომ ე.წ. ცხელების კლინიკებში, სადაც პაციენტის მართვისთვის გვაქვს სპეციალური ზონა ინფექციის კონტროლის პრინციპების დაცვით მოხდეს პაციენტის დაყოვნება 24 საათის განმავლობაში, მისი შეფასება კორონავირუსზე და შემდეგ უარყოფითი ან დადებითი პასუხის მიხედვით პაციენტის მათვა.

ასევე ალგორითმი გამოყოფს ტესტირების პრინციპებს და მიდგომებს იმ ჯგუფებისთვის, რომლებიც ითვლება, რომ არის მაღალი რისკის მქონე. ამას მიეკუთვნება კონტაქტები, სამედიცინო პერსონალი, რომელიც მუშაობს მაღალი რისკის კლინიკებში და ასევე ორგანიზებულ-ინსტიტუციურ დაწესებულებებში მყოფი პირები. ამ ალგორითმის მიხედვით, უმოკლეს ვადაში დაიწყება ტესტირება სამივე მეთოდის გამოყენებით როგორც PCR-ის, ასევე ანტიგენების დაჩქარებული ტესტი და ანტისხეულების ტესტი. ჩვენ საწყისი რაოდენობა სამივე ამ ტესტის ქვეყანაში გვაქვს და საიტებიც შერჩეულია იმისთვის, საიდან დაიწყება ეს ტესტირება განახლებული ალგორითმის შესაბამისად“, - განაცხადა თამარ გაბუნიამ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია