თამარ გაბუნია - 2-3 კვირა დასჭირდება იმას, რომ კორონავირუსთან დაკავშირებით რუხის კლინიკა ბაზისური სერვისების მიწოდებისთვის მზად იყოს

ჯანდაცვის მინისტრის მოადგილის, თამარ გაბუნიას განცხადებით, დაახლოებით 2-3 კვირა დასჭირდება იმას, რომ კორონავირუსთან დაკავშირებით რუხის კლინიკა ბაზისური სერვისების მიწოდებისთვის მზად იყოს.

როგორც მან მთავრობის ადმინისტრაციაში გამართულ ბრიფინგზე აღნიშნა, კლინიკის სამედიცინო პერსონალის მობილიზებაზეც მუშაობა მიმდინარეობს.

„რუხის კლინიკის მობილიზება მიმდინარეობს. ვფიქრობ, 2-3 კვირა დასჭირდება იმას, რომ კორონავირუსის მიზნებისთვის რუხის კლინიკა ბაზისური სერვისების მიწოდებისთვის მზად იყოს. პირველ რიგში, რა თქმა უნდა, იგულისხმება იზოლირებული ოთახები, სადაც სიცხიან პაციენტებს შეუძლიათ დარჩნენ და მიიღონ კვალიფიციური ინფექციონისტის, ასევე სხვა პროფილის სპეციალისტების მომსახურეობა. ბაზისური ლაბორატორიული გამოკვლევებისთვის შეიქმნება შესაძლებლობა. ასევე, უკვე მობილიზებულია სუნთქვის აპარატები და მიმდინარეობს სისტემის გამართვა იმისთვის, რომ ეს სისტემა შემოწმდეს და სუნთქვის აპარატების გამოყენებისთვისაც მზად ვიყოთ“, - აცხადებს გაბუნია.

ამასთან, მისი განმარტებით, მალე კონკრეტული თარიღი დასახელდება, თუ როდის მიიღებს რუხის კლინიკა პირველ პაციენტს.

„პერსონალის მობილიზებაზეც მუშაობა მიმდინარეობს, პირველ რიგში, ახლოს მდებარე სამედიცინო დაწესებულებებიდან, რომელიც ზუგდიდისა და სამეგრელოს რეგიონში ოპერირებს, თუმცა მათ დღეს დიდი ინფრასტრუქტურა არ აქვთ და გაუჭირდებათ პაციენტების ნაკადების გაძლება, თუმცა ის პერსონალი არის და ამ პერსონალის გამოყენება რუხის კლინიკისთვის მოხდება. ვფიქრობ, მალე უფრო კონკრეტული თარიღის დასახელებას შევძლებთ, როდის მიიღებს რუხის კლინიკა პირველ პაციენტს“, - აცხადებს გაბუნია.

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს