დაავდებათა კონტროლის ეროვნული ცენტრის დირექტორის მოადგილის, პაატა ინაძის განცხადებით, გამოჯანმრთლებული ადამიანის სისხლით ან პლაზმით მკურნალობის პრაქტიკა საქართველოში ცნობილია და ამ მეთოდზე ფიქრობენ. ამის შესახებ პაატა იმნაძემ მთავრობის ადმინისტრაციაში, შესაბამის შეკითხვაზე საპასუხოდ განაცხადა.

„ეს არის საკმაოდ მიღებული მეთოდი. ეს მეთოდი საქართველოში გამოყენებული გვაქვს. ჯერ კიდევ, ძველადაც იყენებდნენ, მაგრამ ბოლოს, მძიმე დაავადებების დროს, როცა საქართველოში ყირიმკონგოს ცხელების პირველი შემთხვევა იყო, ინფექციურმა საავადმყოფომ ეს მეთოდი გამოიყენა. მაშინ ჩვენი ყაზახი კოლეგებისგან მივიღეთ, იმიტომ, რომ იმ დროს ჩვენთან ასეთი ავადმყოფი არ იყო. ამას სჭირდება რა? - ძალიან ბევრი გამოჯანრთლებული ადამიანის სისხლი უნდა გვქონდეს იმისათვის, რომ შემდეგ ეს ახალ, მძიმე პაციენტებზე გამოვიყენოთ. ეს მეთოდი ცნობილია და რა თქმა უნდა, ჩვენი კოლეგები, ინფექციონისტები ამაზე ფიქრობენ“, - განაცხადა იმნაძემ ახალი კორონავირუსის პრევენციისთვის შექმნილი საკოორდინაციო საბჭოს სხდომის დასრულების შემდეგ.

იხილეთ ვიდეო