რესპუბლიკური საავადმყოფოს კლინიკური დირექტორის დევი ტაბიძის ინფორმაციით, დღეს რესპუბლიკურ საავადმყოფოს 9 პაციენტი დატოვებს.

როგორც მან ჟურნალისტებთან საუბრისას აღნიშნა, საავადმყოფოში მყოფი 46 პაციენტიდან ახალი კორონავირუსი არცერთს არ აღენიშნება.

„46 პაციენტიდან დღეისათვის გასაწერად უნდა მომზადდეს 9 პაციენტი. მათი ნაწილი კლინიკის დატოვების შემდეგ გადაინაცვლებს საკარანტინო ზონაში, თვითიზოლაციაში. ჩვენთან ამ მხრივ მდგომარეობა შედარებით სტაბილურია,“ - აღნიშნა დევი ტაბიძემ.