ქუთაისში, პარტია „თავისუფალი საქართველოს" თანათავმჯდომარე გოგი წულაია დააკავეს. შემთხვევა ცოტა ხნის წინ მოედანზე მოხდა. არსებული ინფორმაციით, გოგი წულაიას ადმინისტრაციული სამართალდარღვევის კოდექსის 173-ე მუხლით პოლიციელისათვის სამსახურებრივი მოვალეობის დროს სიტყვიერ შეურაცხყოფას ედავებიან.
წულაიას ბრიფინგი სავალუტო პუნქტების დახურვის გამო ჰქონდა და აცხადებდა, რომ შეზღუდვით ადამიანები უმუშევრები რჩებიან.
გავრცელებული ინფორმაციით, წულაიას ქალაქში პატრულმა პირადობის მოწმობა მოსთხოვა და მიუთითა, რომ საგანგებო მდგომარეობის დროს პროტესტის უფლება არ ჰქონდა. მცირედი შელაპარაკების დროს უცენზური სიტყვების გამო, წულაია განყოფილებაში გადაიყვანეს.