არ ვგეგმავთ ევროპის დატოვებას კორონავირუსის გამო,- ამის შესახებ ნატო-ში ამერიკის შეერთებული შტატების მუდმივმა წარმომადგენელმა კეი ბეილი ჰაჩისონმა, ონლაინ ვიდეო პრეს ბრიფინგზე განაცხადა.

მისივე თქმით, ნატო რჩება ევროპისა და თავისი მოკავშირეების ერთგული, როგორიც საქართველო და უკრაინაა.

„ჩვენ ევროპის ერთგულები ვრჩებით. ეს ის დროა არ არის, როდესაც ჩვენი სამხედრო წარმომადგენლობა უნდა შევამციროთ. ჩვენ გვინდა, რომ ჩვენი სამხედრო ნაწილები ადგილზე დარჩნენ და გვსურს, რომ მათი დაცვა და ჯანმრთელობაზე ზრუნვა ადგილზევე მოვახდინოთ. მოგზაურობა და ვირუსის გავრცელება არავის ინტერესში არ შედის. ჩვენ ვრჩებით ევროპის, პოლონეთის, ბალტიისპირეთის ერთგულები და ასევე ერთგულები ვართ ნატო-ს მოკავშირეებისა და ასევე პარტნიორების აბსოლუტური უსაფრთხოების, როგორიც არის საქართველო და უკრაინა, სადაც ჩვენ ვხედავთ რუსეთის მხრიდან ამ ქვეყნების სუვერენული მოთხოვნების შელახვის ფაქტებს. ამიტომ, ჩვენ იქ ვართ, ამის შეცვლას არ ვაპირებთ და ცალსახად არ ვგეგმავთ ევროპის დატოვებას კორონავირუსის გამო,“-განაცხადა კეი ბეილი ჰაჩისონმა.