საგარეო უწყებაში განმარტავენ, რომ ვარშავაში, საქართველოს საელჩოსთან სამართალდამცველების მობილიზება საგანგებო მდგომარეობით გათვალისწინებულ აკრძალვებს უკავშირდებოდა

საგარეო საქმეთა სამინისტროში აცხადებენ, რომ ვარშავაში, საქართველოს საელჩოსთან სპეცრაზმის გამოძახებას ადგილი არ ჰქონია. "ინტერპრესნიუსს" უწყებაში განუცხადეს, რომ საელჩოსთან სამართალდამცველების მობილიზება საგანგებო მდგომარეობას უკავშირდებოდა.

"პოლონეთში მოქმედებს საგანგებო მდგომარეობა, რომლის ფარგლებშიც აკრძალულია ადამიანების მასობრივი თავშეყრა, შესაბამისად, მას შემდეგ, რაც საელჩოსთან მოგროვდა გარკვეული რაოდენობა საქართველოს მოქალაქეების და მათთან შესახვედრად გამოვიდა საქართველოს ელჩი და საელჩოს თანამშრომლები, ამ დროს სამართალდამცველები გამოჩნდნენ საელჩოს მიმდებარე ტერიტორიაზე და შეახსენეს საელჩოს, რომ საგანგებო მდგომარეობიდან გამომდინარე არ შეიძლება, მოქალაქეთა მასობრივი შეკრება და მოუწოდეს ტერიტორიის დატოვებისკენ, როგორც საელჩოს თანამშრომლებს, ასევე მოქალაქეებს",-აცხადებენ საგარეო უწყებაში.

ცნობისთვის, 3 აპრილს ვარშავა-თბილისის ჩარტერული რეისია დაგეგმილი. გავრცელებული ინფორმაციით, ვარშავაში საქართველოს საელჩოსთან საქართველოს ის მოქალაქეები მივიდნენ, რომლებმაც ბილეთის ყიდვა ვერ მოახერხეს და საელჩოს თანამშრომლებმა სამართალდამცავები გამოიძახეს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 17.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
“მეამა ქოლექთის” ყავის უნიკალური კოქტეილები ბათუმშია