თბილისის ზღვის ჰოსპიტალის კლინიკური დირექტორის, კახა ბეროზაშვილის განცხადებით, კორონავირუსზე ტესტირება მათ კლინიკაში მოთავსებულ 21 პაციენტს ჩაუტარდა და არც ერთ მათგანს covid 19 არ დაუდასტურდა.
მისივე განმარტებით, მათ კლინიკაში მოთავსებული 46 პაციენტიდან უმრავლესობის ჯანმრთელობის მდგომარეობა სტაბილურია.
„ამ ეტაპზე კლინიკაში 46 პაციენტია. დღე-ღამის განმავლობაში სტაციონარში 19 პაციენტი მოთავსდა. ლაბორატორიაში 21 სინჯი იყო გაგზავნილი და ველოდებოდით პასუხებს. საბედნიეროდ, ყველა უარყოფითია, შესაბამისად კორონავირუსის ახალი შემთხვევა ჩვენს კლინიკაში არ დადასტურებულა. პაციენტების უმეტესობის მდგომარეობა სტაბილურია. ამ 46 პაციენტიდან ექვსი რეანიმაციულ განყოფილებაშია მოთავსებული, რაც უკვე ნიშნავს, რომ მდგომარეობა არის მძიმე, მაგრამ ეს სიმძიმე ვირუსით არ არის გამოწვეული, ეს გამოწვეულია თანმხლები დაავადებების გართულებებით. საკმაოდ მძიმე თანმხლები დაავადებები აქვთ ამ პაციენტებს და მიმდინარეობს მკურნალობა. რაც შეეხება ახალ ავდმყოფებს, მათი ანალიზების საკითხო დაავადებათა კონტროლის ეროვნულ ცენტრთან მჭიდრო ურთიერთობით გადაწყდება, გამომდინარე პაციენტის მდგომარეობიდან და მისი ჩივილებიდან.
რაც შეეხება კორონავირუსით ინფიცირებულ პაციენტს, მისი მდგომარეობა, როგორც ვიცი, სტაბილურია",-განაცხადა კახა ბეროზაშვილმა.