გიორგი გახარია კარლ ჰარცელს და კელი დეგნანს კორონავირუსთან ბრძოლაში გაწეული დახმარებისთვის მადლობას უხდის

საქართველოს პრემიერ-მინისტრი გიორგი გახარია მადლობას უხდის ევროკავშირის ელჩს საქართველოში, კარლ ჰარცელს და აშშ-ს ელჩს, კელი დეგნანს კორონავირუსთან ბრძოლაში გაწეული დახმარებისთვის.

"მინდა მადლობა გადავუხადო ევროკავშირის ელჩს საქართველოში, კარლ ჰარცელს, რომელმაც შესანიშნავი სამუშაო გაწია და ჩვენ, დღეს უკვე გვაქვს გარკვეული ციფრები "ცხელი ფულის", სწრაფი დახმარების კუთხით საქართველოსთვის, ეს არის რამდენიმე ათეული მილიონი ევრო. ასევე, მინდა პირადად მადლობა გადავუხადო ამერიკის შეერთებული შტატების ელჩს, კელი დეგნანს, რომელმაც ასევე სწრაფად იმოქმედა და სწრაფი დახმარების ნაწილში, განსაკუთრებით სამედიცინო სფეროში. ეს დახმარება ჩვენ უკვე დაფიქსირებული გვაქვს, დაპირება გვაქვს," - განაცხადა გახარიამ.

მთავრობის მეთაურმა ხაზი გაუსვა, რომ ბევრად უფრო მნიშვნელოვანი იქნება ის დახმარება, რომელიც საქართველოს სტრატეგიულმა პარტნიორებმა უნდა გაგვიწიონ პოსტკრიზისულ პერიოდში, ქვეყნის აღდგენის და პირველ რიგში ქვეყნის ეკონომიკის აღდგენის ნაწილში.

„ნდობა არსებობს. ჩვენ ძალიან ახლო კომუნიკაციაში ვართ და გარკვეული შედეგები უკვე გვაქვს. მე არ დავასახელებ კონკრეტულ ციფრებს. ფინანსთა სამინისტროს მიმართულებით საკმაოდ კარგად მივდივართ და ეს სერიოზული მხარდაჭერა იქნება ბიუჯეტისთვის ისევე, როგორც სისტემური ინფრასტრუქტურული პროექტების გაგრძელების ნაწილში. თუმცა, ყველას უნდა გვესმოდეს ერთი რამ, ეს არის კრიზისში სწრაფი დახმარების ნაწილი. ჩვენთვის ბევრად უფრო მნიშვნელოვანი იქნება ის დახმარება, რომელიც ჩვენმა სტრატეგიულმა პარტნიორებმა ჩვენ უნდა გაგვიწიონ პოსტკრიზისულ პერიოდში ქვეყნის აღდგენის და პირველ რიგში ქვეყნის ეკონომიკის აღდგენის ნაწილში. საქართველოს ეკონომიკა, ბოლო წლების განმავლობაში, განსაკუთრებით ბოლო წელს და ამ წლის პირველი ნაწილი, ძალიან კარგად ვითარდებოდა. ჩვენმა საერთაშორისო პარტნიორებმა ეს ძალიან კარგად იციან. საერთაშორისო სავალუტო ფონდმა, ძალიან კარგი შეფასებები მისცა წლის დასრულებას, წლის დასაწყისს. ისინი ხედავენ, რომ ჩვენ ამ ბრძოლასაც, ამ კრიზისსაც ვუმკლავდებით და ვინარჩუნებთ ეკონომიკის პოტენციალს და იმედი გვაქვს, დარწმუნებული ვართ, რომ ყველაზე მნიშვნელოვანი ქვეყნის ფინანსური დახმარება, ეს იქნება დახმარება პოსტკრიზისულ პერიოდში მაშინ, როდესაც დაგვჭირდება სწრაფი აღდგენა ეკონომიკის და სამუშაო ადგილების“, - განაცხადა პრემიერ-მინისტრმა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!