ჯანდაცვის მინისტრის ეკატერინე ტიკარაძის განცხადებით, მთავრობა სპეციალური სამედიცნო აღჭურვილობების მარაგს, როგორც ადგილობრივი მწარმოებლებისგან, ასევე უცხოეთიდან ყოველდღიურ რეჟიმში ავსებს.
როგორც ეკატერინე ტიკარაძემ უწყებათშორისი საკოორდინაციო საბჭოს შეხვედრის დასრულების შემდეგ განაცხადა, სახელწიფო კერძო კლინიკებს კომუნიკაციაში დაეხმარება, რომ მათ საკუთარი მედპერსონალისთვის უსაფრთხო გარემო დამოუკიდებლად უზუნველყონ.
„აქ აუცილებლად უნდა ვთქვათ, რომ ზოგადად, მსოფლიოში არის აღჭურვილობის დეფიციტი, მაგრამ მიუხედავად ამისა, ჩვენ როგორც ადგილობრივი მომწოდებლებისგან და მწარმოებლებისგან, ასევე უცხოეთიდან მუდმივ რეჟიმში ვცდილობთ, რომ ყოველდღიურად შევავსოთ მარაგი. პირველ რიგში, რა თქმა უნდა, ჩვენთვის მნიშვნელოვანია, რომ აღჭურვილი იყოს ყველა ის კლინიკა, რომელიც პროგრამაშია ჩართული, რომ დეფიციტი და ხარვეზები არ შეექმნათ პერსონალური დაცვის საშუალებების მიწოდებაში. ასევე, ეტაპობრივად იქნებიან ჩართული ე.წ. ცხელების კლინიკები და მათზეც სახელმწიფო იღებს პასუხისმგებლობას, მათი აღჭურვაც ჩვენი მხრიდან იქნება უზრუნველყოფილი. რაც შეეხება კერძო კლინიკებს, ჩვენ მზად ვართ დავეხმაროთ კომუნიკაციაში იმისთვის, რომ მათ დამოუკიდებლად უზუნველყონ საკუთარი მედპერსონალისთვის ის უსაფრთხო გარემო და აღჭურვილობა, რომელიც მათ ესაჭიროებათ“, - განაცხადა ტიკარაძემ.